locaties
2281 t/m 2304 van 2528 resultaten
-
Peal 8: De Helling
Peal 8: De Helling
Dit punt is ûnderdiel fan it trajekt 'It Paad Werom Terherne'. Besjoch de hiele rûte. Let op: Dizze rûte begjint by it grutte parkearplak yn it doarp, Koailan 2
(harkje hjir nei it audioferhaal)
Foar dy leit de âlde helling fan Terherne. En it prachtige hûs hjir rjochts foar de bocht, wurdt yn dit jier bouwd troch de hellingbaas. Hy hat it nammentlik hiel drok. En dochs foarsjoch ik problemen yn de kommende jierren. En ik foarsiz dy dan ek dat hy binne 15 jier fallyt gean sil. Ik flústerje him dan ek yn dat er oarstappe moat op wurkje mei izer, mar hy is eigenwiis: ‘Hout sinkt net!”ropt er. En ja…. Do begrypst it al hoe’t it ôfrint mei him…..
Werom nei hjoed de dei.
We sjogge noch eefkes nei de húzen oan de oare kant fan it wetter. Hielendal op’e hoeke stiet in hûs dat útsjocht op de hjoeddeistige wite slûs fan Terherne. Witst noch dat ik it hie oer nòch in kroech op de oare úthoek fan Terherne? Dy stie dêr op dat plak. Op in úthoeke fan Terherne. It sil sa rûn 1853 west hawwe dat dizze kroech in nije namme krije moast, omt de namme doe, de “Brette Poask” referearre oan de skelnamme foar de Terhernsters. De kroechbaas ferneamde de kroech nei in oare úthoeke fan de wrâld, wêr’t yn dy tiid in oarloch fierd waard: De Krim.De Krim dus, ferneamd nei in oarloch. Yn earsten in kroech en letter in Buorkerij. Dizze buorkerij baarnde ôf yn de jierren sechtich fan de foarige ieuw. Hjir krige it toerisme ek in oare foarm. Yn de heal ôfbaarnde en opromme skuorre ûntstie in camping en der waard kampeart.
It wite hûs oan de oare kant fan de feart is in slûswachterwenning. Der wie hjir noch in kearslûs, foar stoarmeftich waar, wêr’t dizze wenning by hearde. Der is in soad bart op dit plak. Want eart dit punt fan Terherne it ekonomyske swiertepunt waard, hie Terherne al yndustry. Op it plak fan de kroech De Krim en letter de ôfbaarde kampearbuorkerij stiene dêrfoar mânske kalkovens. Myn ûnthâld jouwt oan dat dit tusken 1600 en 1840 west hat. Dit skiereilân wie dêrfoar in strategysk plak, want der koene makkelik turf en skelpen oanfierd wurde. Der stiene hjir 2 of 3 kalkovens. Mei skelpekalk waarden húzen metsele en sa hat it wite hûs oan de oare kant ek in leshûs west om de brande kalk te blussen (Dat wurdt ek wol lesse neamd). Dit ferklearret ek de lange foarm fan it hûs. It hûs hat dus mear funksjes hân. It wie in flinke yndustry foar in plakje as Terherne en troch alle tiden hinne kinne je sizze dat oan de úteinen fan Terherne de wichtige bedriuwen stiene. De farwegen wiene liedend.
Okee, we draaie ús no om. En we rinne itselde paad werom nei it boatestasjon, it begjin en einpunt fan de kuiertocht.
En dêr slute we dan ek mei ôf. Want hjir krekt foar it Skippershûs is noch in lyts stikje fan de splitsing fan ‘t âlde Far te sjen. In âld stikje farwei, wêroer’t tûzenen skippers fearn hawwe. Yn tiden mei wolfeart en yn tiden fan freeslike earmoede.
En hjir, oan de ein fan de rûte, fertel ik dy it bêst bewarre geheim fan dit doarp: Der is nammentlik gjin ferhaal, oantinken, lêste winsk of geheim dat ècht ferlern giet. Alles leit opslein, as yn in ieuwich ûnthâld, yn it wetter fan Terherne. En dit oarspronkelike stikje fan It Far is wêr’t ik se wei ha en dat is ek wêrst alyd wer nei werom keare kinst.
Wolst mear witte oer de fergetten ferhalen en de skiednis fan Terherne? En sikesto de poarte nei it ferline? Be3gjindan by dit stikje wetter en siz dúdlik myn namme: Broer Sipkes. Dan help ik dy op wei.
Of belje de pleatselike skilder (sûnt 1880) en doarpshystoarikus Theunis van der Meer.
Dit punt is ûnderdiel fan it trajekt 'It Paad Werom Terherne'. Klik hjir om werom te gean nei de rûte. Let op: Dizze rûte begjint by it grutte parkearplak yn it doarp, Koailan 2
Terherne
-
Dunegeaster- en Follegeasterpolder
Dunegeaster- en Follegeasterpolder Doniaga
-
Camping Half-Hichtum
Camping Half-Hichtum Bolsward
-
Flying Fish Heeg
Flying Fish Heeg Heeg
-
Groepsaccommodatie De Kikkert
Groepsaccommodatie De Kikkert Lemmer
-
It Fryske Fersepaad gedicht 11
It Fryske Fersepaad gedicht 11
Dit gedicht van Harm Harsta maakt onderdeel uit van het Fryske Fersepaad dat via 25 gedichten Bolsward met Iens verbindt.
De Ko
Sjoch de ko, dy 't op 'e finne
Oan 't weidzjen is mank raai en blom,
Har tonge slaan om 't iten hinne
Fan wjerskanten, yn 't rûnom.
Jummer mar de kop omlegen,
Plôkje en skuorre oanienwei,
Ierde en seadde sa genegen,
Stadlich giet it fuotwurk mei,
Sjoch hoe bûchsum èn ynfieren
Hja de lea hâldt yn balâns,
Lûkend, srekkend, pees en spieren
Yn in rêstige kadâns.
Sa fan skaai en bou bestindich
Is de ko in kostber dier,
Mar as alle fee ynwindich
Tûzenreis sa singelier
Seldsum lykwicht fan ferrjochting.
Dar ta hûndert funksjes liedt:
Fieding, suvering, befochting,
Dat it dier syn sûnens biedt,
Dat troch wûnderwurk fan binnen
Alle weefsels underhâldt...
Hat dat ea befetsje kinnen
Alle kundichheid te wrâld?
Mee, it libben hjit op ierde
Yn finesses nei te gean?
Djipste wiisheid sil n et liede
Restleas ta folslein ferstean!
Mar ôfsjoen fan doel en noarmen
Stiet ien wierheid dochs oerein:
Sûnder leeg're wêzensfoarmen
Wien' de heeg're hâr ûntsein! Burgwerd
-
Bootverhuur Hospes - Motorjacht Victoria
Bootverhuur Hospes - Motorjacht Victoria Sneek
-
Openbaar toilet Stadsfenne in Stavoren
Openbaar toilet Stadsfenne in Stavoren Stavoren
-
Sail-a-way Sneekermeer
Sail-a-way Sneekermeer Offingawier
-
Groepsaccommodatie Us Hiem
Groepsaccommodatie Us Hiem Oudega (gemeente Súdwest-Fryslân)
-
Jumbo Kooistra Makkum
Jumbo Kooistra Makkum Makkum
-
Dorpskuier Makkum
Dorpskuier Makkum Makkum
-
Trekkershutten Nijhuizum
Trekkershutten Nijhuizum Nijhuizum
-
Aan het Water - Familiehuis Aan het Water
Aan het Water - Familiehuis Aan het Water Heeg
-
't Anker Cadeau & Woonaccessoires
't Anker Cadeau & Woonaccessoires Lemmer
-
Plus Stavoren
Plus Stavoren Stavoren
-
Informatiepunt Woudsend (De Rakken)
Informatiepunt Woudsend (De Rakken) Woudsend
-
Raadhuis Balk
Raadhuis Balk Balk
-
Kampari - Kraanvogel
Kampari - Kraanvogel Delfstrahuizen
-
Solexverhuur Sloten
Solexverhuur Sloten Wijckel
-
Aquapark Sneek
Aquapark Sneek Sneek
-
B&B Zathe de Spieker - Vermeer kamer
B&B Zathe de Spieker - Vermeer kamer Itens
-
Jachthaven Friese Hoek
Jachthaven Friese Hoek Lemmer
-
Informatiepunt Sneek (RCN de Potten)
Informatiepunt Sneek (RCN de Potten) Offingawier